दार्चुला : दार्चुलाको शैल्यशिखर नगरपालिकामा एक महिला रुखबाट लडेर गम्भीर घाइते भएकी छन् । बुधवार घर नजिकै स्याउला काट्ने क्रममा रुखबाट लडेर शैल्यशिखर नगरपालिका वडा नम्बर ८ देवलकी कमला जोशी गम्भीर घाइते भएकी हुन् । जोशीको टाउँकोमा गम्भीर चोट लागेको स्थानीय विष्णुदत्त जोशीले जानकारी दिए ।
गम्भीर घाइते जोशीको अहिले धनगढीस्थित निसर्ग अस्पतालमा उपचार भइरहेको उनले बताए । साथै उनको आर्थिक अवस्था कमजोर रहेकाले सहयोगका लागि आफन्तले आग्रह गरेका छन् ।
यो खबर तपाईंलाई कस्तो लाग्यो?
