दार्चुला : हावाहुरीले दार्चुलाको शैल्यशिखर नगरपालिका–४ तल्लोकाँडापारीस्थित भुमिराज आविको छाना उडाएको छ । सोमवार साँझ चलेको हावाहुरीले विद्यालयको चार कोठे भवनको जस्तापाताले छाएको छाना उडाएको हो ।
हावाहुरीले विद्यालयको छाना पूर्णरुपमा उडाएर जमिनमा थुपारेको विद्यालयका प्रधानाध्यापक शंकर दत्त भट्टले जानकारी दिए ।
यस्तै करिब ५० हजार बराबरका शैक्षिक सामाग्री पनि क्षति भएको उनले बताए । विद्यालयको छाना उडाएपछि विद्यार्थीहरुको पढाई प्रभावित भएको छ । हावाहुले सो क्षेत्रको मकै बारीमा पनि क्षती पुर्याएको छ ।
यसैबीच सोमवार साँझ परेको वर्षा सँगै मार्मा क्षेत्रमा विद्युत र फोन नेटवर्क अवरुद्ध भएको छ ।
यो खबर तपाईंलाई कस्तो लाग्यो?
