दार्चुला : नेकपा एमालेबाट निर्वाचित जनप्रतिनिधिहरुलाई अभिमुखीकरण गरिएको छ । बुधवार नेकपा एमाले स्थानीय विकास विभाग दार्चुलाको आयोजनामा स्थानीय तहमा निर्वाचित जनप्रतिनिधिहरुका लागि जिल्ला स्तरीय अभिमुखीकरण कार्यक्रम संचालन गरिएको हो ।
स्थानीय तहहरुले आगामी आर्थिक वर्षको नीति, कार्यक्रम तथा बजेट ल्याउने तयारी गरिरहेका बेला एमालेले स्थानीय जनप्रतिनिधिहरुलाई अभिमुखीकरण गरेको नेकपा एमाले जिल्ला कमिटि दार्चुलाका सचिव उमेश राज जोशीले जानकारी दिए ।
स्थानीय तहले ल्याउने बजेटलाई जनमुखी एवं पारदर्शी बनाउन स्थानीय जनप्रतिनिधिहरुलाई कार्यक्रममा अभिमुखीकरण गरिएको उनले बताए । अभिमुखीकरण कार्यक्रम नेकपा एमाले जिल्ला कमिटी अध्यक्ष ज्ञानेन्द्र घर्तीको अध्यक्षता तथा एमाले पोलिटव्यूरो सदस्य गणेश सिंह ठगुन्नाको प्रमुख आतिथ्यततामा भएको हो ।
उक्त कार्यक्रममा दार्चुला इन्चार्ज सहदेव बोगटी, प्रदेश कमिटी सचिव रणबहहादुर चन्द लगायत दार्चुला जिल्लाका स्थानीय तहमा निर्वाचित जनप्रतिनिधि लगायत नेता कार्यकर्ताहरुको सहभागिता रहेको थियो ।
यो खबर तपाईंलाई कस्तो लाग्यो?
