दार्चुला । बैतडीमा जिप दुर्घटना हुँदा ६ जना घाइते भएका छन्। बिहीबार राति दशरथचन्द नगरपालिका–३ को छेलाबाट दुर्गाभवानी जाँदै गरेको से १ ज ३२० नम्बरको जिप अनियन्त्रित भई दुर्घटनामा परेको प्रहरीले जनाएको छ।
घाइते हुनेहरूमा दशरथचन्द नगरपालिका ३ का ४५ वर्षीय दिलिप नाथ, सोहि ठाउँका ३९ वर्षीय भानदेव नाथ, ४० वर्षीया अनिता नाथ, ४६ वर्षीय केशव नाथ,१६ वर्षीय सुशील नाथ र जिप चालक दशरथ नाथ रहेका छन्। घाइते मध्ये दिलिपको अवस्था गम्भीर रहेको छ। दिलिपलाई जिल्ला अस्पतालमा उपचार हुन नसक्दा थप उपचारको लागि धनगढी रेफर गरिएको छ।
जिप सडकबाट १० मिटर तल खसेर सल्लाको रूखमा अड्किएको प्रहरीले जनाएको छ।
उक्त जिपमा ८ जना यात्रु सवार थिए।
यो खबर तपाईंलाई कस्तो लाग्यो?
