दार्चुला : नेपाल कम्युनिष्ट पार्टी (एमाले) ले नौगाड गाउँपालिकामा शुभकामना आदानप्रदान तथा कार्यकर्ता भेटघाट गरेको छ । बुधवार एमाले नौगाड गाउँ कमिटीद्वारा चाडपर्वको अवसरमा शुभकामना आदानप्रदान कार्यक्रम आयोजना गरिएको थियो ।
नौगाड गाउँ कमिटी अध्यक्ष ललित सिंह ठगुन्नाको अध्यक्षतामा भएको शुभकामना आदान प्रदान तथा कार्यकर्ता भेटघाट कार्यक्रममा नेकपा एमाले पोलिटब्युरो सदस्य एवं दार्चुला इन्चार्ज गणेश सिंह ठगुन्नाको प्रमुख आतिथ्यता रहेको थियो । यस्तै कार्यक्रममा एमाले केन्द्रीय कमिटी सदस्य हरदेब जोशी, प्रदेश कमिटी सदस्य प्रेमसिंह धामी, प्रदेश कमिटी सदस्य तथा नौगाड इन्चार्ज लालबहादुर धामी, जिल्ला कमिटी अध्यक्ष ज्ञानेन्द्र घर्ती, उपाध्यक्ष परमानन्द जोशी, उपसचिव कर्णबहादुर खडायत लगायत जिल्ला र पालिका स्तरीय नेता कार्यकर्ताहरूको आतिथ्यता रहेको थियो ।
कार्यक्रमलाई सम्बोधन गर्दै एमाले पोलिटब्युरो सदस्य गणेश सिंह ठगुन्नाले पार्टी संगठन सुदृढीकरणमा सबै लाग्न निर्देशन दिए । चाडपर्वको यो समयमा एमालेले जिल्लाका नौ वटै पालिकामा कार्यक्रम गरिरहेको छ ।
यो खबर तपाईंलाई कस्तो लाग्यो?
