दार्चुला : सशस्त्र प्रहरी बनाई दिन्छु भन्दै ठगी गर्ने एक युवक पक्राउ परेका छन् । दार्चुलाका एक युवकलाई सशस्त्र प्रहरीमा जागिर लगाइ दिन्छु भन्दै पटक पटक पैसा ठगी गरेर फरार भएका युवकलाई प्रहरीले पक्राउ गरेको हो । सशस्त्र प्रहरी बनाई दिन्छु भन्दै ठगी गरेको आरोपमा कैलालीको गोदावरी नगरपालिका–६ बस्ने ३२ वर्षीय तुलाराम विकलाई बुधवार पक्राउ गरिएको जिल्ला प्रहरी कार्यालय दार्चुलाले जनाएको छ । विकले दार्चुलाका ईन्द्रसिंह धामीका छोरालाई सशस्त्र प्रहरी बनाई दिन्छु भनी विश्वास दिलाएर पटक पटक गरी ५ लाख ३५ हजार ७ सय रुपैयाँ ठगी गरी फरार भएका थिए । बुधवार जिल्ला प्रहरी कार्यालय दार्चुलाबाट खटिएको प्रहरी टोलीले ईलाका प्रहरी कार्यालय मालाखेती कैलालीको सहयोगमा अत्तरियाबाट विकलाई नियन्त्रणमा लिएको हो । नियन्त्रणमा लिएका विकलाई जिल्ला प्रहरी कार्यालय दार्चुलाको हिरासतमा राखी ठगी सम्बन्धी अनुसन्धान भइरहेको प्रहरीले जनाएको छ ।

यो खबर तपाईंलाई कस्तो लाग्यो?