दार्चुला : दार्चुलाको शैल्यशिखर नगरपालिका–८ मा दलित परिवारलाई ग्यास सिलिन्डर र चुल्हो वितरण गरिएको छ । दलित लक्षित कार्यक्रमअन्तर्गत मंगलवार एक कार्यक्रमका बीच शैल्यशिखर नगरपालिका वडा नम्बर ८ ले वडाका ६० दलित परिवारलाई ग्यास सिलिन्डर र चुल्हो वितरण गरेको हो ।
नगरपालिकाको स्वीकृत वार्षिक कार्यक्रम तथा र वडाको विनियोजित बजेटमार्फत वडा नम्बर ८ का दलित परिवारलााई ग्यास सिलिन्डर र चुल्हो वितरण गरिएको वडाध्यक्ष केशव दत्त जोशीले जानकारी दिए । वडाका दलित परिवारलाई प्रतिपरिवार एक सेटका दरले ग्याँस सिलिन्डर र चुल्हो वितरण गरिएको उनले बताए ।
शैल्यशिखर नगरपालिका–८ का अध्यक्ष केशवदत्त जोशीको अध्यक्षतामा आयोजित ग्यास सिलिन्डर तथा चुल्हो वितरण कार्यक्रममा शैल्यशिखरका नगरपालिका प्रमुख विजय सिंह धामीको प्रमुख आतिथ्यता रहेको थियोे । यस्तै उक्त कार्यक्रममा नेकपा एमाले जिल्ला कमिटी पूर्व अध्यक्ष रामदत्त जोशी, शैल्यशिखर नगर उपप्रमुख शान्ति खडायतको विशिष्ट आतिथ्यता तथा शैल्यशिखर नगरपालिका स्वास्थ्य शाखा प्रमुख शिव दत्त जोशी लगायत कर्मचारी, जनप्रतिनिधि, स्थानीय लगायतको सहभागिता रहेको थियो ।
यो खबर तपाईंलाई कस्तो लाग्यो?
