दार्चुला : मालिकार्जुन गाउँपालिकाको उद्यम विकास शाखा प्रमुख जगदीश चन्द्र अवस्थीको भारतमा मृत्यु भएको छ ।
मालिकार्जुन गाउँपालिका–५ डाँडाकोट घर भएका अवस्थीको भारतमा गाडीले ठक्कर दिँदा मृत्यु भएको हो ।
भारतको प्रयागराजमा लागेको कुम्भमेलामा सहभागी हुन आमासहित जाँदै गरेका अवस्थीको लखनउमा गाडीको ठक्करबाट मृत्यु भएको जनाइएको छ । आफू सवार गाडीबाट झरेको बेला सडकमा अर्को गाडीले ठक्कर दिएपछि गम्भीर घाइते भएका अवस्थीलाई अस्पताल पुर्याउँदा चिकित्सकले मृत घोषणा गरेका थिए ।
उद्यम शाखा प्रमुख अवस्थीको मृत्युु भएपछि मालिकार्जुन गाउँपालिकाले आज शोक बिदा दिएको छ । अत्यावश्यक सेवा बाहेकका सबै कार्यालयमा बिदा दिइएको मालिकार्जुन गाउँपालिकाले जनाएको छ ।
यो खबर तपाईंलाई कस्तो लाग्यो?
