भक्तपुर : नेपाली कांग्रेसका नेता शेखर कोइरालाले अध्यादेशबाट देश चलाउने कुरा निरंकुशताको प्रस्थानविन्दु भएको बताएका छन् । सोमवार भक्तपुरमा आयोजित कार्यक्रममा बोल्दै कोइरालाले कांग्रेसको संस्कार अध्यादेशबाट देश चलाउने नभएको बताए।
‘लोकतन्त्रमा सकेसम्म संसदबाट नै ऐन, कानून बनाउनुपर्ने हो, अध्यादेशबाट देश चलाउने कल्चर नै होइन, नेपाली कांग्रेसको। डेमोक्रेसीमा भरसक हामीले संसदबाटै नियम, कानून, ऐनहरु बनाइकन अगाडि जानुपर्ने हुन्छ,’ उनले भने, ‘हामीले संसदलाई छलेर जान खोज्यौँ भने काम लाग्दैन। दुई तिहाइ बहुमत छ, छल्नुपर्ने जरुरत नै छैन । राष्ट्रिय सभामा बहुमत नपुगेको हो अध्यादेशबाट देश चल्ने भनेको निरंकुशताको प्रस्थानबिन्दु हो।’
उनले यस्तो समस्या परेका बेला गिरिजाप्रसाद कोइरालाले सांसदहरूसँग कुराकानी गरेर बहुमत जुटाउने गरेको पनि स्मरण गरेका थिए । कोइरालाले अध्यादेश सरकार चल्नै नसक्ने अवस्था भए मात्रै ल्याउनुपर्ने बताए। भूमिसम्बन्धी अध्यादेश जस्ताको त्यस्तै पास भए केही गर्न नसकिने उनको भनाइ छ।
यो खबर तपाईंलाई कस्तो लाग्यो?
