कैलाली : कैलालीबाट भन्सार छलीका सामान बरामद गरिएको छ । जिल्लाको गोदावरी नगरपालिका–४ हनुमान मन्दिर नजिक सडकखन्डबाट प्रहरीले आइतबार राती भन्सार छलिका अवैध सामान बरामद गरेको हो । प्रहरी नायब उपरीक्षक गंगा बहादुर थापाको कमान्डमा खटिएको प्रहरी टोलिले १ लाख ४२ हजार बराबरका मोटरसाइकलका पाटपुर्जा, मोबाइलका पाटपुर्जा र उनी स्विटर धागो लगायतका सामान बराबद गरेको इलाका प्रहरी कार्यालय मालाखेतिले जनाएको छ । बरामद गरिएका सामान कैलाली भन्सार कार्यालय पठाइएको प्रहरीले बताएको छ ।
यस्तै कञ्चनपुरबाट भन्सार छलीका सामान बरामद गरिएको छ । इलाका प्रहरी कार्यालय गड्डाचौकीबाट खटिएको प्रहरी टोलीले १ लाख ३२ हजार ४ सय, इलाका प्रहरी कार्यालय ब्रहम्देवले ४७ हजार ४५० र प्रहरी चौकि बाबाथानले ५ हजार गरि जम्मा १ लाख ८४ हजार ८५० मुल्य बराबरको भन्सार छलीको सामान प्रहरीले बरामद गरेको हो ।
उक्त मूल्य बराबरको भन्सार छलीको कपडा, हार्डबेयरको सामान, किरानाको सामान, चिनी, प्लास्टिक कुर्सी, खेलौना र गुडिया बरामद गरी आवश्यक कारबाहीको लागी गड्डाचौकी भन्सार कार्यालय कञ्चनपुर पठाइएको जनाइएको छ ।
यो खबर तपाईंलाई कस्तो लाग्यो?
