दार्चुला : मातृभूमि जांगरण अभियानका संयोजक डाक्टर भीम रावलले एमालेले आफ्नो जबजको सिद्धान्त कुल्चेर बामालेको पथमा हिडिरहेको बताउनुभएको छ । मंगलवार दार्चुलामा सञ्चारकर्मीहरुसँगको भेटमा रावलले एमाले अध्यक्ष केपी शर्मा ओलीलाई बामालेको संज्ञा दिदै एमाले अब एमाले नभई बामाले भएको बताउनुभएको हो ।
‘एमालेमा अहिले विचार र सिद्धान्त भन्ने केही छैन्, केपी ओलीले जे भन्यो त्यही हुन्छ, त्यसैले एमाले अब एमाले रहेन् बामाले भइसक्यो’ – रावलले भने । आफूलाई एमाले पार्टीबाट निकालिइएकोमा ओलीमाथि उनले आक्रोस पोखे ।
आफ्नो मातृभूमि जांगरण अभियान प्रारम्भिक चरणमा रहेको उल्लेख गर्दै अब यसलाई साङ्गठनिक शक्ति बनाउने रावलले बताए । अहिले खासगरी सुदूरपश्चिम प्रदेशका जिल्लाका युवा तथा नागरिकलाई आफूले अभियानको बारेमा जानकारी गराउदै हिडेको उनको भनाई थियो ।
मातृभूमि जांगरण अभियानका क्रममा दार्चुला पुगेका संयोजक रावलले यहाँका नागरिक र युवाहरु संग भेटघाट गरिरहेका छन् ।
सोमवार दिउँसो मात्रै दार्चुला पुगेका उनले सोमवार नै राष्ट्रिय धाम मालिकार्जुनको दर्शन गरी मालिकार्जुनका स्थानीय सँग भेटघाट तथा अन्तरक्रिया गरेका थिए ।
यो खबर तपाईंलाई कस्तो लाग्यो?
