दार्चुला : दार्चुलाका तीन क्याम्पसले स्वतन्त्र विद्यार्थी युनियनका निर्वाचित पदाधिकारीको नामावली सार्वजनिक गरेको छ । सर्वसम्मत चयन भएका स्वतन्त्र विद्यार्थी युनियनका पदाधिकारीहरुको अन्तिम नामावली सार्वजनिक गरेको हो ।
त्रिविका सम्बन्धन प्राप्त दार्चुलाका ५ क्याम्पसमा तीन विद्यार्थी संगठनहरुबीच आपसी समझदारीमा नेतृत्व सर्वसम्मत चयन भएको थियो । सर्वसम्मत चयन भएका दुई क्याम्पसहरुले भने अन्तिम नामावली सार्वजनिक गरेका छैनन् । नामावली सार्वजनिक नगर्ने क्याम्पसमा अपिनाम्पा क्याम्पस हुति र शंकरपुर क्याम्पस पस्ती रहेका छन् ।
अपिनाम्पा क्याम्पसमा निर्वाचन अधिकृत बिरामी हुँदा र शंकरपुर क्पाम्पसमा शोक बिदा हुँदा मंगलवार स्ववियुका निर्वाचित पदाधिकारीको अन्तिम नामावली सार्वजनिक गर्न नसकिएको सम्बन्धीत क्याम्पसहरुले जनाएका छन् । शंकरपुर क्याम्पसले आज नामावली सार्वजनिक गर्ने बताएको छ ।
दार्चुलाका त्रिवि अन्तर्गतका ५ वटा क्याम्पसमा एमालेनिकट अनेरास्ववियु र कांग्रेसनिकट नेविसंघले २/२ वटा क्याम्पसमा अध्यक्ष पाएको छ भने माओवादी केन्द्रनिकट अखिल क्रान्तिकारीले एक क्याम्पसमा अध्यक्ष पाएको हो ।
अनेरास्ववियुले कृष्ण स्नातक क्याम्पस लाली र लटिनाथ क्याम्पस मार्मामा अध्यक्ष पाएको छ । यस्तै नेविसंघले जिल्लाको अपिनाम्पा क्याम्पस हुति र राष्ट्रिय क्याम्पस दत्तुमा अध्यक्ष पाएको छ भने अखिल क्रान्तिकारीले शंकरपुर क्याम्पस पस्तिमा अध्यक्ष पाएको छ ।
यी हुन पदाधिकारी ..
यो खबर तपाईंलाई कस्तो लाग्यो?
