दार्चुला : इन्जिनियरिङ अध्ययन संस्थान पश्चिमाञ्चल क्याम्पसको स्वतन्त्र विद्यार्थी युनियन (स्ववियू) अध्यक्षमा प्रकाश धामी निर्वाचित भएका छन् । स्वतन्त्र उम्मेदवारी दिएका धामी ७ सय १६ मत ल्याएर विजयी भएका हुन् ।
उनका निकटतम् प्रतिद्वन्द्वी अनेरास्ववियुका अनुप न्यौपानले ४ सय ४९ मत प्राप्त गरे । यस्तै सचिवमा अखिल (क्रान्तिकारी) का हरिकृष्ण थापा र कोषाध्यक्षमा पनि अखिल (क्रान्तिकारी) कै उम्मेदवार निर्वाचित भएका छन् ।
धामी सिभिल चौथो वर्षमा अध्ययनरत विद्यार्थी हुन् । उनले सबल कक्षा, बलियो सिकाइको आधार भन्ने मूल नाराका साथ कक्षाकोठा वान स्टप शोलुसनको नयाँ अवधारणा अगाडी सारेका थिए । धामी दार्चुलाको शैल्यशिखर नगरपालिकाका बासिन्दा हुन् ।
यो खबर तपाईंलाई कस्तो लाग्यो?
