दार्चुला : दार्चुलामा यहि चैत १५ गतेदेखि २५ गतेसम्म दार्चुला महोत्सव आयोजना गर्ने उद्योग वाणिज्य संघले निर्णय गरेको छ । महोत्सवको तयारी स्वरुप अहिले महोत्सव आयोजना हुने स्थलमा व्यवस्थापनको काम धमाधम भइरहेको छ ।
यसै सन्दर्भमा महोत्सव सुरु हुनुभन्दा अघि नेपाल विद्यार्थी संघले आयोजक उद्योग वाणिज्य संघ दार्चुलालाई १० बुँदे अनुरोध पत्र बुझाएको छ । नेविसंघ दार्चुलाका उपाध्यक्ष भूपेन्द्र सिंह धामीको नेतृत्वमा रहेका विद्यार्थी नेताहरुले बुझाएको अनुरोधपत्रमा महोत्सवलाई सभ्य, भव्य, मर्यादितका साथै व्यापारीक र पर्यटनमैत्री बनाउन माग गरिएको नेविसंघ दार्चुलाका अध्यक्ष रमेश भट्टले जानकारी दिए ।
नेविसंघले महोत्सवस्थलमा पर्याप्त स्वच्छ खानेपानीको आपूर्ति र व्यवस्थित शौचालयको व्यवस्था हुनुपर्ने, प्रवेश शुल्कमा विद्यार्थी र अशक्त नागरिकहरुका लागि ५० प्रतिशत छुट तथा जेष्ठ नागरिक र १० वर्षमुनिका बालबालिकाको लागि प्रवेश शुल्क निशुल्क गर्न माग गरेको छ ।
बालबालिकामा पर्ने मनोवैज्ञानिक प्रभावलाई मध्यनजर गरी महोत्सव स्थलमा मदिराजन्य पदार्थको विज्ञापन गर्न नहुने र मदिरा, सुर्तिजन्य पदार्थ, लागूऔषध दुव्र्यसन तथा अन्य विभिन्न किसिमका सामाजिक विकृतिकाविरुद्ध जनचेतना फैलाउनले सन्देश प्रवाह गर्नुपर्ने, महोत्सवस्थल सुरक्षित एवं शान्ति कायम गर्न लागुऔषध तथा मदिरा सेवन गरेका व्यक्तिहरुलाई प्रवेश निषेध गर्र्न अनुरोध गरेको छ ।
अर्को बुद्धामा नेविसंघले कला संस्कृतिको संरक्षण र सम्बद्र्धनमा ध्यान दिदै मनोरञ्जनका नाममा प्रर्दशन हुने विकृति, विसङ्गति र अश्लिलतालाई बन्देज गर्न भनेको छ । यस्तै स्थानीय कला, सँस्कृति, भेषभूषा, रितिरिवाजको प्रचारप्रसारमा टेवा पुगाउने स्थानीय कलाकार तथा दार्चुलाबाट राष्ट्रिय कलाकारको रुपमा परिचित कलाकारहरुलाई प्राथमिकता दिनुपर्ने, महोत्सव व्यवस्थापनका लागि आवश्यक पर्ने जनशक्ति तथा सामग्रीहरु उपलब्ध भएसम्म स्थानीय स्तरबाटै व्यवस्थापन गर्नहुन, स्थानीयस्तरको पहिचान, संस्कृति, उत्पादन तथा पर्यटन पर्वद्धन हुने र स्थानीय उत्पादनको बजारीकरण हुने गरी दार्चुला जिल्लाका सबै स्थानीयतहहरुका लागि छुट्टाछुट्टै स्टलहरुको व्यवस्थापन गर्नहुन तथा सुपथ मुल्यमा स्थानीय व्यापारीहरु लाई स्टल उपलब्ध गराउनहुन माग गरेको छ ।
यस्तै हार जीत हुने वा जुवाजन्य खेलहरु पूर्णतया निषेध गर्न हुन र सम्भावित दुर्घटनाबाट बच्न बचाउन प्राथमिक उपचार कक्षको व्यवस्थापन गर्न नेविसंघले सुझाव पत्रमा माग गरेको छ ।
यो खबर तपाईंलाई कस्तो लाग्यो?
