दार्चुला : दार्चुलामा गणतन्त्रविरुद्ध राष्ट्रिय प्रजातन्त्र पार्टी राप्रपाले विरोध प्रदर्शन गरेको छ । गणतन्त्र विरुद्ध चर्को नाराबाजी गर्दै राप्रपाले शुक्रवार जिल्ला सदरमुकाममा विरोध प्रदर्शन गरेको हो ।
`राजा आउ, देश बचाउ, गाउँ गाउँमा हल्ला छ, राजा ल्याउने सल्लाह छ´ भन्ने जस्ता गणतन्त्र विरोधी चर्कानारा लगाउदै खलंगा खुलामन्चबाट निकालिएको र्याली राष्ट्रिय झण्डासहित बजार परिक्रमा गरी पुनः खुलामन्चमै पुगी कोणसभामा परिणत भएको थियो ।
संवैधानिक राजसंस्था, जनताबाट निर्वाचित कार्यकारी प्रमुख तथा बैदिक सनातनसहितको हिन्दुराष्ट्र, भ्रष्टाचारको अन्त्य र प्रदेश खारेजीको माग सहित दार्चुलामा बिरोध तथा खबरदारी सभा आयोजना गरिएको राप्रपा दार्चुलाका अध्यक्ष प्रकाश दयालीले जानकारी दिए । कोणसभालाई प्रदेश तथा जिल्ला स्तरिय नेताहरुले सम्बोधन गरेका थिए ।
कोणसभालाई सम्बोधन गर्दै राप्रपाका नेताहरुले वर्तमान सरकार भ्रष्टाचार र बेथितिमा चुर्लुम्म डुबेको आरोप लगाउँदै वर्तमान सरकार र नेताहरुका क्रियाकलापहरुबाट जनता वाक्क दिक्क भइसकेकाले राजाको माहोल बनिरहेको औल्याएका थिए ।
यो खबर तपाईंलाई कस्तो लाग्यो?
