दार्चुला : अव्यवस्थित फोहोरका कारण दुर्गन्धित बनेको गोकुलेश्वर बजारको फोहरलाई व्यवस्थापन थालिएको छ । शैल्यशिखर नगरपालिकाले शनिवारबाट बजार क्षेत्रको फोहर व्यवस्थापन गरिरहेको हो । लामो समयसम्म डम्पिङ साइटको अभावले उठाउन नसकिएको फोहोर शनिवारबाट उठाउन लागिएको शैल्यशिखर नगरपालिकाका नगर प्रमुख विजय सिंह धामीले जानकारी दिए ।
नगरपालिकाले २० जना कामदार परिचालन गरी बजार क्षेत्रको फोहर व्यवस्थापन गरिरहेको उनले बताए । गाँजरीमा डम्पिङसाइटको प्रबन्ध गरी फोहर फाल्ने काम भइरहेको छ । नगर क्षेत्रको फोहर व्यवस्थापनमा शैल्यशिखर नगरपालिकाको ध्यान जान सकेको थिएन् । बढ्दो फोहरलाई लिएर नगरपालिकाको आलोचनासमेत हुँदै आएको थियो ।
चमेलिया नदी किनार र बजार क्षेत्रको फोहरले गोकुलेश्वर बजार कुरुप बनेको छ । गोकुलेश्वर बजार क्षेत्रमा घरका ढल, सिसाका बोतल, प्लाष्टिकलगायतका फोहर जथाभावी फाल्दा दुर्गन्धित बनेको छ ।
यो खबर तपाईंलाई कस्तो लाग्यो?
