दार्चुला : दार्चुलामा जीपबाट खसेर गम्भीर घाइते भएका एक जनाको मृत्यु भएको छ । जिल्ला प्रहरी कार्यालय दार्चुलाका सूचना अधिकारी कान्तिराज जोशीका अनुसार महाकाली नगरपालिका-९ स्थित दत्तु-थाप्ला सडक खण्डमा खलंगादेखि थाप्ला जादै गरेको सुदूरपश्चिम प्रदेश ०४००१ ज ००९६ नम्बरको जीपबाट खसेर महाकाली नगरपालिका-९ थाप्ला बस्ने अन्दाजी ३९ वर्षीय बिक्रम सिंह सामन्तको उपचारका क्रममा भारतको पिथौरागढमा मृत्यु भएको हो ।
मंगलवार साँझ ५ बजेतिर जीपको ढोका खुल्दा खसेर गम्भीर घाइते भएका सामन्तको जिल्ला अस्पताल दार्चुलामा सामान्य उपचारपछि भारतको पिथौरागढ अस्पताल रेफर गरिएकोमा उपचारका क्रममा राति नै मृत्यु भएको सूचना अधिकारी जोशीले बताए ।
जीप चालक र जीपलाई प्रहरीले नियन्त्रणमा लिएको छ । मृत्युु भएका सामन्त भूतपूर्व नेपाली सैनिक हुन ।
यो खबर तपाईंलाई कस्तो लाग्यो?
