दार्चुला : अपिहिमाल गाउँपालिकामा विद्यालयका प्रधानाध्यापकहरुका लागि तालिम सञ्चालन गरिएको छ । गाउँपालिका अन्तर्गतका विद्यालयका प्रधानाध्यापकहरुका लागि विद्यालय व्यवस्थापन, परामर्श र सुशासनका निम्ति तालिम सञ्चालन गरिएको हो ।
एकिकृत विद्यालय दिवाखाजा कार्यक्रम अन्तर्गत प्रारम्भिक कक्षा सिकाई कार्यक्रममा विद्यालय व्यवस्थापन, परामर्श र सुशासनका लागि अपिहिमाल गाउँपालिकाका विद्यालयका प्रधानाध्यापकहरुका लागि तीन दिने तालिम सञ्चालन गरिएको सामुदायिक ग्रामिण विकास समाज नेपाल (सिआरडीएस) दार्चुलाका कार्यकारी निर्देशक अशोक राज ओझाले जानकारी दिए ।
आइतवार एक कार्यक्रमका बीच अपिहिमाल गाउँपालिका अध्यक्ष भक्त सिंह ठेकरे बोहराले तालिमको उद्घाटन गरे । तालिम उद्घाटन कार्यक्रममा अपिहिमाल गाउँपालिकाका विद्यालय निरीक्षक बिरेन्द्र सिंह साउँद, सिआरडीएस नेपालका कार्यकारी निर्देशक अशोक राज ओझा, कार्यक्रम संयोजक बसन्त ठगुन्ना, विश्व शिक्षाका शिक्षा अधिकृत हिक्मत भण्डारी, विभिन्न विद्यालयका प्रधानाध्यापक लगायतको उपस्थिति रहेको थियो ।
एसडीए, डब्लुएफपीको आर्थिक सहयोग तथा विश्व शिक्षाको प्राविधिक सहयोग र सिआरडीएस नेपालको साझेदारीमा तालिम सञ्चालन गरिएको हो । तालिममा गाउँपालिकाका २२ वटा विद्यालयका प्रधानाध्यापकहरुको सहभागिता रहेको छ ।
यो खबर तपाईंलाई कस्तो लाग्यो?
