दार्चुला : दार्चुलामा भैंसी ओसारी रहेको ट्याक्टर पल्टिदा दुई जना घाइते भएका छन् । मंगलवार दिउँसो साढे ४ बजेतिर महाकाली नगरपालिका- ३ बाँजमा ट्याक्टर दुर्घटना भएको हो। जिल्ला सदरमुकाम खलंगाबाट भैंसी लगेर गएको सुदूरपश्चिम प्रदेश ०१- ००२ त ५८०३ नम्बरको ट्याक्टर दुर्घटना हुँदा त्यसमा सवार महाकाली नगरपालिका वडा नम्बर ३ का अन्दाजी ६० वर्षीय परम सिंह महरा र सोही ठाउँका अन्दाजी ५० वर्षीय गोबिन्द महरा घाइते भएका छन् ।

घाइते परमसिंह महराको जिल्ला अस्पतालमा सामान्य उपचारपछि थप उपचारका लागि धनगढी रेफर गरिएको छ भने गोबिन्द महराको जिल्ला अस्पताल दार्चुलामा उपचार भइरहेको छ । ट्याक्टर सडकबाट २० मिटर तल खसेको बताइएको छ।

(तस्वीर : साङ्केतिक )

यो खबर तपाईंलाई कस्तो लाग्यो?