बैतडी : बैतडीमा नेपाल टेलिकमको टावरमा तोडफोड भएको छ। जिल्लाको सिगास गाउँपालिका–१ जुकेपानीमा रहेको नेपाल टेलिकमको टावरमा अज्ञात समूहद्वारा तोडफोड भएको हो। टावरमा राखिएको कृषि विकास बैंकको सर्भर उपकरण समेत तोडफोड गरिएको छ ।
स्थानीय क्षेत्रमा इन्टरनेट नचलेपछि गाँजरीमा रहेको कृषि विकास बैङ्कले सेवा उपलब्ध गराउन असर्मथ रहेको सूचना समेत जारी गरेको छ। घटना व्यक्ति अथवा समूह कसले गराएको हो भन्ने यकीन हुन नसकेको प्रहरीकाे भनाइ छ।
भदौ १५ गतेबाट बैंकमा इन्टरनेट नचलेपछि बैंकका कर्मचारी टावर हेर्न जाँदा टावर तोडफोड भएको थाहा भएको हो। घटनाको जानकारी आज बिहान थाहा पाएसँगै प्रहरीको टोली घटनास्थलतर्फ गएको छ।
यो खबर तपाईंलाई कस्तो लाग्यो?
