दार्चुला : निजामती सेवा दिवस २०८१ का अवसरमा जिल्ला मूल समारोह समिति दार्चुलाको आयोजनामा बिरामीहरुलाई फलफूल वितरण गरिएको छ । दिवसको अवसरमा विहीवार जिल्ला अस्पताल दार्चुलामा भर्ना भएका बिरामीहरुलाई फलफूल वितरण गरिएको हो ।
फलफूल वितरण कार्यक्रममा महाकाली नगरपालिकाका उपप्रमुख दुर्गा कुमारी खत्री विष्ट, प्रमुख जिल्ला अधिकारी यज्ञराज जोशी, निजामती कर्मचारीहरुको सहभागिता रहेको थियो । तीन दिनसम्म विविध कार्यक्रम गरी दिवस मनाइने मूल आयोजक समितिले जनाएको छ ।
शुक्रवार दिवसको अवसरमा महाकाली नगरपालिका–५ स्थितको मालिकार्जुन मन्दिर परिषरमा वृक्षारोपण तथा सरसफाई गरिने छ भने शनिवार दिवसको दिन प्रभातफेरी, शुभकामना आदानप्रदान कार्यक्रमका साथ निजामती कर्मचारीहरुलाई सम्मान कार्यक्रम गरी समापन गरिने जनाइएको छ ।
यो खबर तपाईंलाई कस्तो लाग्यो?
