दार्चुला : निजामती सेवा दिवस २०८१ का अवसरमा वृक्षारोपण गरिएको छ । जिल्ला मूल समारोह समिति दार्चुलाको आयोजनामा शुक्रवार महाकाली नगरपालिका–५ स्थित मालिकार्जुन मन्दिर परिसरमा वृक्षारोपण गरिएको हो ।
दिवस मनाउने क्रममा दोस्रो दिनको कार्यक्रम अन्तर्गत वृक्षारोपण गरि मनाइएको हो ।
बिहीवार जिल्ला अस्पताल दार्चुलामा भर्ना भएका बिरामीहरुलाई फलफूल वितरण गरिएको थियो । वृक्षारोपण कार्यक्रममा प्रमुख जिल्ला अधिकारी यज्ञराज जोशी, सहायक प्रमुख जिल्ला अधिकारी हेमन्ती साउँद, आधिकारीक ट्रेड युनियन दार्चुलाका अध्यक्ष रघुवीर सिंह ठगुन्ना, नेपाल राष्ट्रिय कर्मचारी संगठन दार्चुलाका अध्यक्ष जनक सिंह बोहरा, नेपाल निजामती कर्मचारी संगठनका प्रदेश सदस्य धाना कार्की, नेपाल निजामती कर्मचारी युनियन दार्चुलाका सचिव राकेश सिंह ठगुन्ना, डिभिजन वन अधिकृत परमानन्द कुँवर लगायत निजामती कर्मचारीहरुको सहभागिता रहेको थियो ।
दिवस तीन दिनसम्म विविध कार्यक्रम गरी दिवस मनाइने मूल आयोजक समितिले जनाएको छ । दिवसको मूल दिन भोलि बिहान प्रभातफेरी तथा शुभकामना आदानप्रदान कार्यक्रमका साथै निजामती कर्मचारीहरुलाई सम्मान कार्यक्रम गरी समापन गरिने जनाइएको छ ।
यो खबर तपाईंलाई कस्तो लाग्यो?
