काठमाडौं : हाँस्य टेलीसिरीयल ‘नसानाडी’ का निर्देशक, कथा लेखक, कलाकार विजय जोशीले तिमीसँग छुट्नु परे बोलको आधुनिक गीत बजारमा ल्याएका छन् । यसमा चर्चित गायक बसन्त साधकले आवाज दिएका छन् । कैलालीको अत्तरियामा रहेको साधना रेकर्डिङ स्टुडियोमा रेकर्ड गरिएको उक्त गीत सोमवार साँझ देउराली क्रिएसनको युट्युब च्यानलमार्फत सार्वजनिक भएको हो ।
गीतका शब्द बिजयले लेखेका हुन् भने संगीत संयोजन साधकले गरेका छन् । गोबिन्द सोनीले मिक्सिङ र मास्टरिङ गरेका हुन् । यस गीतको छायांकन तथा सम्पादन कलाकार जगत साउँदले गरेका छन् ।
खासगरी यो गीतमार्फत माँयाको बन्धनमा कसिएका जोडी छुट्नु पर्दाको पीडालाई दर्शाइएको छ । सानै उमेरदेखि कलाकारको भूमिका निर्वाह गर्दै आएका जोशी संञ्चारकर्मी पनि हुन् । अहिले उनी रेडियो धनगढी र न्युज नेपाल टेलिभिजनमा आवद्ध छन् । उनले पछिल्लो समय कलाकारिताको क्षेत्रमा फड्को मार्न थालेका छन् ।
यो खबर तपाईंलाई कस्तो लाग्यो?
