दार्चुला : दार्चुलामा जीप दुर्घटना हुँदा तीन जना घाइते भएका छन् । जिल्लाको शैल्यशिखर नगरपालिका–५ ओखडानीमा बुधवार दिउँसो सुदूरपश्चिम प्रदेश ०१–००१ ज १५९४ नम्बरको जीप दुर्घटना भएको हो ।
शैल्यशिखर नगरपालिका-५ बगौरादेखि सेत्कला जाँदै गरेको जीप दुर्घटना हुँदा जीपमा सवार शैल्यशिखर नगरपालिका–४ का २३ वर्षीय हरिश सिंह धामी, सोही वडाका २१ वर्षीय मोहन सिंह धामी र ३९ वर्षीय दान सिंह ठगुन्ना घाइते भएको जिल्ला प्रहरी कार्यालय दार्चुलाका सूचना अधिकारी एवं प्रहरी निरीक्षक कान्ति राज जोशीले जानकारी दिए ।
घाइतेहरुको गोकुलेश्वर अस्पतालमा उपचार भइरहेको र उनीहरुको अवस्था सामान्य रहेको प्रहरीले बताएको छ । जीप सडकबाट करिब १० मिटर तल खसेको थियो ।
यो खबर तपाईंलाई कस्तो लाग्यो?
