काठमाडौं : हाँस्य टेलीसिरीयल ‘नसानाडी’ का निर्देशक, कथा लेखक, कलाकार विजय जोशीले तिमीसँग छुट्नु परे बोलको आधुनिक गीत बजारमा ल्याएका छन् । यसमा चर्चित गायक बसन्त साधकले आवाज दिएका छन् । कैलालीको अत्तरियामा रहेको साधना रेकर्डिङ स्टुडियोमा रेकर्ड गरिएको उक्त गीत सोमवार साँझ देउराली क्रिएसनको युट्युब च्यानलमार्फत सार्वजनिक भएको हो । गीतका शब्द बिजयले लेखेका हुन् भने संगीत संयोजन साधकले गरेका छन् । गोबिन्द सोनीले मिक्सिङ र मास्टरिङ गरेका हुन्

काठमाडौँ । सत्तारूढ दलहरूले उपसभामुख इन्दिरा राना मगरलाई हटाउने तयारी गरेका छन् । उपसभामुख रानामगर काठमाडौंस्थित अमेरिकी दूतावासलाई आफूसहित छ जनाको भिसाको अन्तर्वार्ताको समय मिलाइदिन लेखेको पत्रलाई आधार बनाएर सत्तारुध दलहरुले हटाउने तयारी गरेका हुन् । मंगलबारको संसद बैठकमा पनि उपसभामुख रानाको पक्ष विपक्षमा सांसदहरुले आ-आफ्नो धारणा राखेका थिए । सोमबार अपराह्न बालुवाटारमा बसेको सत्ता गठबन्धन दलहरूको बैठकले उपसभामुख रानालाई हटाउने निर्णय गरेको थियो । सो निर्णय अनुसार नै सत्ता

दार्चुला : पहिलो पटक ब्याँस गाउँपालिकाको आर्थिक वर्ष २०८०/०८१ को लेखापरीक्षण गाउँपालिकामै गरिएको छ । भौगोलिक विकटताको कारण देखाउँदै विगत वर्षहरुमा जिल्ला सदरमुकाम खलंगामा गरिने गरिएको अन्तिम लेखापरीक्षण यसपाली गाउँपालिकाको केन्द्र सुन्सेरामै गरिएको हो । विगतका वर्षहरुमा स्रेस्ता सदरमुकाम झिकाई यतै लेखापरीक्षण सम्पन्न गर्ने गरिएको थियो । ब्याँस गाउँपालिकाको आर्थिक वर्ष २०८०/०८१ को लेखापरीक्षणका लागि भदौ १६ गते निर्देशक हिरामणी निरौला, लेखापरीक्षण अधिकारी संजय कुमार शाह र अनिता गौतम तथा

दार्चुला : निजामती सेवा दिवस २०८१ को अवसरमा दार्चुलाका सहायक प्रमुख जिल्ला अधिकारी हेमन्ती साउँद पुरस्कृत हुनुभएको छ । सरकारले दार्चुलाका सहायक प्रमुख जिल्ला अधिकारी साउँदसहित देशभरबाट ४० जना कर्मचारीहरुलाई पुरस्कृत गरेको हो । उत्कृष्ट निजामती सेवा पुरस्कारबाट १० जना र निजामती सेवा पुरस्कारबाट ३० जना गरी ४० जना पुरस्कृत भएका छन् ।दार्चुलाका सहायक प्रमुख जिल्ला अधिकारी साउँद निजामती सेवा पुरस्कारबाट ५० हजार रुपैयाँ सहित सम्मानित भएका छन् । यस्तै

दार्चुला : जिल्ला प्रशासन कार्यालय दार्चुलामा कार्यरत खरिदार सागर दत्त जोशी पुरस्कृत भएका छन् । निजामती सेवा दिवसको अवसरमा जिल्ला प्रशासन कार्यालयले खरिदार जोशीलाई नगदसहित पुरस्कृत गरेको हो । २०७५ सालदेखि कार्यरत जोशीले उत्कृष्ट कार्यसम्पादन गरेकाले निजामती सेवा दिवसको अवसरमा सम्मानसहित पुरस्कृत गरिएको सहायक प्रमुख जिल्ला अधिकारी हेमन्ती साउँदले जानकारी दिए । शनिवार एक कार्यक्रमका बीच जिल्ला समन्वय समिति दार्चुलाका प्रमुख महादेव बडू र प्रमुख जिल्ला अधिकारी यज्ञराज जोशीले उनलाई

दार्चुला : निजामती सेवा दिवस २०८१ का अवसरमा वृक्षारोपण गरिएको छ । जिल्ला मूल समारोह समिति दार्चुलाको आयोजनामा शुक्रवार महाकाली नगरपालिका–५ स्थित मालिकार्जुन मन्दिर परिसरमा वृक्षारोपण गरिएको हो ।दिवस मनाउने क्रममा दोस्रो दिनको कार्यक्रम अन्तर्गत वृक्षारोपण गरि मनाइएको हो । बिहीवार जिल्ला अस्पताल दार्चुलामा भर्ना भएका बिरामीहरुलाई फलफूल वितरण गरिएको थियो । वृक्षारोपण कार्यक्रममा प्रमुख जिल्ला अधिकारी यज्ञराज जोशी, सहायक प्रमुख जिल्ला अधिकारी हेमन्ती साउँद, आधिकारीक ट्रेड युनियन दार्चुलाका अध्यक्ष

दार्चुला : दार्चुलामा महाकाली नदीमाथि निर्माण भइरहेको नेपाल–भारत जोड्ने मोटरेवल पुलको नेपालका लागि भारतीय राजदूत नवीन श्रीवास्तवले अनुगमन गर्नुभएको छ । बिहीवार साँझ दार्चुला पुगेका राजदूत श्रीवास्तवले शुक्रवार बिहान महाकाली नगरपालिका–८ असिगडामा निर्माण भइरहेको भारतको छारछुम जोड्ने मोटरेवल पुलको अनुगमन गर्नुभएको हो । ३२ करोड ९८ लाख भारतीय लगानीमा निर्माण भइरहेको १ सय १० मिटर लम्बाईको मोटरेवल पुलको काम अन्तिम चरणमा पुगेको छ । पुल निर्माणको काम भारतीय निर्माण कम्पनी

दार्चुला : निजामती सेवा दिवस २०८१ का अवसरमा जिल्ला मूल समारोह समिति दार्चुलाको आयोजनामा बिरामीहरुलाई फलफूल वितरण गरिएको छ । दिवसको अवसरमा विहीवार जिल्ला अस्पताल दार्चुलामा भर्ना भएका बिरामीहरुलाई फलफूल वितरण गरिएको हो । फलफूल वितरण कार्यक्रममा महाकाली नगरपालिकाका उपप्रमुख दुर्गा कुमारी खत्री विष्ट, प्रमुख जिल्ला अधिकारी यज्ञराज जोशी, निजामती कर्मचारीहरुको सहभागिता रहेको थियो । तीन दिनसम्म विविध कार्यक्रम गरी दिवस मनाइने मूल आयोजक समितिले जनाएको छ । शुक्रवार दिवसको

दार्चुला : सुदूरपश्चिम र सुदूरपश्चिमेलीको बारेमा तथानाम भन्ने युवती दुर्गा दाहाल साउँदविरुद्ध प्रहरीमा जाहेरी परेको छ। सुदूरपश्चिम प्रदेशको दार्चुला दुहुँ गाउँपालिका-५ गरमोरा घर भएका अधिवक्ता कृष्ण महराले बुधवार साउँदविरुद्ध प्रहरीमा जाहेरी दिएका हुन् । पाटन उच्च अदालत बार एसोसिएसनका सदस्यसमेत रहेका महराले आज जिल्ला प्रहरी परिसर काठमाडौंमा जाहेरी दर्ता गराएको जनाएका छन् । अमेरिकामा घटेको एउटा घटनाको विषयलाई लिएर ती युवती साउँदले सामाजिक सञ्जालमा सिङ्गो सुदूरपश्चिमबासीलाई बदनाम गराउने मनसायले अभिव्यक्ति

बैतडी : बैतडीमा नेपाल टेलिकमको टावरमा तोडफोड भएको छ। जिल्लाको सिगास गाउँपालिका–१ जुकेपानीमा रहेको नेपाल टेलिकमको टावरमा अज्ञात समूहद्वारा तोडफोड भएको हो।  टावरमा राखिएको कृषि विकास बैंकको सर्भर उपकरण समेत तोडफोड गरिएको छ । स्थानीय क्षेत्रमा इन्टरनेट नचलेपछि गाँजरीमा रहेको कृषि विकास बैङ्कले सेवा उपलब्ध गराउन असर्मथ रहेको सूचना समेत जारी गरेको छ। घटना व्यक्ति अथवा समूह कसले गराएको हो भन्ने यकीन हुन नसकेको प्रहरीकाे भनाइ छ।  भदौ १५ गतेबाट